اتفاجئت بابني الصغير صحي من نومه وقالي أنتي ليه يا ماما پتخوني بابا .
جسمي كله اتنفض من المفاجأة وحاولت أتمالك أعصابي وسألته عن سبب كلامه الغريب ده !!!
فقالي إنه جاله جواب مكتوب فيه مامتك بتخون باباك !!!
طلبت منه يوريني الجواب لقيته سابني ومشي !!!
جريت وراه وقولتله فين الجواب ده قالي انه اختفي بعد ما قرأه !!!
انا حاسة كأني بحلم من المفاجأة فضلت طول اليوم قلقانه وخاېفه لدرجة إني اتصلت بخالد اللي أعرفه واللي انا فعلا بخون جوزي معاه .
حكيت له كلام الولد وبدأ صوته يبان عليه القلق والتوتر !!!
قالي اني لازم اعرف من ابني اصل الكلام ده ايه وازاي يعني الجواب اختفي !!
مسكت ابني وسألته تاني عن الجواب قالي انه ضاع واختفي وقالي انه بعد ما قرأه حطه جنبه علي الترابيزة بعدها اختفي في ثواني !!!
حذرته انه يقول الكلام ده قدام اي حد .
وفضلت ايام في قلق وتوتر وخاېفة من حدوث اي حاجة كنت خاېفة وبس مش عارفة من ايه .
و بعدها انا وخالد بدأنا نطمن تاني وقولنا يمكن كلام ابني مجرد تخريف اطفال واتفقنا نتقابل تاني وفعلا في ليلة بعد نوم ابني جالي شقتي زي ما كان بيجي ومشي قبل الفجر .
تاني يوم اتفاجئت بابني جاي من ورايا بيقولي خونتي بابا تاني أمبارح ليه يا ماما!!!!
قولتله پغضب انت ايه اللي بتقوله ده !!! وضر بته وقولتله اوعي تقول كده تاني لقيته بيقولي المفروض أنتي اللي تتضر بي مش أنا !!
كلام الولد مش طبيعي كأنه ملبو س او مخا وي !!!
اتمالكت أعصابي وسألته هو بيجيب الكلام ده منين فقالي انه جاله جواب تاني وهو نايم و لما صحي كان جنبه !!
قولتله انا عايزة اشوف جواب من الجوابات دي قالي انا قولتلك قبل كده ان الجوابات دي بعد ما بقراها بتضيع وتختفي !!!
اتصلت بخالد وقولتله علي كل الكلام اللي الولد قاله رد وقالي ان الحل الوحيد اننا نحط كاميرا في اوضة نوم الولد بدون ما يعرف ومن خلال الكاميرات دي هنعرف موضوع الجوابات دي بتجيله ازاي و ازاي الولد ده بيعرف الحاجات دي !!!
وفعلا انا وخالد اشترينا كاميرا من اللي بتصور في الضلمة و استغليت ان ابني كان في المدرسة وركبت الكاميرا في مكان في اوضته صعب حد يشوفها .
عدت كذا ليلة و في نهاية كل ليلة الصبح كنت بشوف تسجيل الكاميرا مفيش اي حاجة غريبة او مش طبيعية بتحصل وكمان ابني متكلمش تاني في الموضوع ده !!!
قولت اخلي خالد ييجي في ليلة ونشوف تاني يوم اللي هيحصل .
وفعلا خالد جالي في الليلة دي بس مش لمسني من شدة القلق والتوتر ومشي قبل الفجر كالعادة .
تاني يوم الصبح لقيت ابني بيقولي إنه مبسوط مني علشان مخونتش أبوه الليلة دي !!!
سبته وجريت بسرعة علي جهاز الكاميرا وفضلت متابعاها وشوفت الفيديو من اول الليلة لأخرها وشغلت الفيديو بسرعة علشان اطمن مشوفتش اي حاجة !!!
شغلته تاني قولت يمكن فيه حاجة مشوفتهاش تظهر و فعلا شوفت حاجة خلت جسمي كله يتنفض من الخو ف !!!
شوفت ايد ظهرت من تحت السرير وحطت ورقة جنب السرير واختفت !!
اتمالكت اعصابي وانا مرعو بة لحد اخر الفيديو لما ابني صحي من النوم وفتح الورقة قراها وبعدها ډخلها في علبة جوه الدولاب .
جريت علي الدولاب وفتحت العلبة شوفت فيها الجواب وعليه اثر تراب كتير ومعاه الجوابين الاول والتاني وكان اثر التراب عليهم كتير وواضح !!!
فتحت الجوابات التلاتة وكان فيهم نفس الكلام اللي ابني قالهولي !!!
اول جواب مكتوب فيه امك خاېنة والجواب التاني مكتوب فيه امك خانتني الليلة والجواب التالت مكتوب فيه امك كانت ممكن تخوني الليلة لكنها من الخۏف مقدرتش !!!
الكلام مكتوب بصيغة كأن ابوه هو اللي كتب الكلام ده .
لكن ازاي !!! ده انا و خالد ډفناه بايدينا بعد ما خالد ضر به علي دماغه واتأكدنا انه ما ت !!!
فلاش باك … اعمل حسابك جوزي راجع بكره يعني مش هنشوف بعض اسبوعين كاملين .
لا لا مقدرش يا حبيبتي كتير اوي .
وانا اعمل ايه ما انت عارف ان بيكون مسافر في شغله شهر وبيرجع اجازة اسبوعين .
خلاص انا اشوف مكان نتقابل فيه بعيد عن هنا في الاسبوعين دول .
لا لا بقولك مش هينفع كمان انا حسيت اخر مرة انه بيشك فيا او عرف حاجة !!
يبقي تطلقي منه احسن .
مش هيوافق انا متأكدة .
مش هيوافق ليه
اولا لانه بيحبني وميقدرش يستغني عني ابدا .
انتي عايزة تجننيني بكلامك ده !!
اسفة يا حبيبي انا بقولك الحقيقة .
من الاخر انا مش هينفع اصبر من غير ما اقابلك كل الوقت ده شوفيلك طريقة نتقابل بيها .
الحل الوحيد اللي ممكن يخلينا نتقابل علي راحتنا في اي وقت وفي كل يوم كمان انه يختفي من حياتي خالص .
ازاي قصدك يمو ت
ايوه .
ازاي
لما يرجع هقوله اني تعبانه وحاجزة عند دكتورة وهو علشان بيشك فيا هيقولي اروح معاكي واخليه يجيلك في مكان مقطوع بالليل و نخلص منه .
وبعد كده هتبقي بتاعتي علطول
هبقي ليك في كل وقت وفي اي وقت يا حبيبي .
بااااك …
ازاي بعد ما خالد ضر به علي راسه ووقع في الارض مېت مفيش نبض وبعدها دف ناه !!!
معقول لسه عايش !!! ازاااي !!!
و لو عايش خرج من الحفرة ازاي مستحيل انا متأكدة انه كان ما
ت قبل ما ند فنه .
اتصلت بخالد وحكيت له علي كل اللي شوفته وعرفته .
حصلت حاجة مستحيل كنت اتوقعها !! لقيته بيقولي خلاص كفاية لحد كدة ومش عايزني اكلمه تاني ولما سألته اهون عليك وكده قفل في وشي التليفون !!!
مستحيل كنت اتخيل ان خالد اللي عملت كل ده علشانه يطلع ندل معايا بالشكل ده !!!
كنت زعلانة اوي وحزينة اوي علي حالي وحبي اللي كنت مخدوعة فيه وبيتي اللي انا خربته بايدي ومعرفتش انام طول الليل من الحزن والتفكير اذا كان جوزي عايش ولا ما ت لحد ما شوفت الصبح ابني جايب جواب عليه اثر التراب بردو مكتوب فيه خلاص امك مش هتخوني تاني ابدا !!!
اټرعبت لدرجة مش ممكن حد يتخيلها واتصلت تاني بخالد وقولتله علي الجواب الاخير وقولتله انه لازم يروح معايا المكان اللي ډفنا فيه جوزي ونتأكد ان جثته لسه موجودة وانه فعلا جوزي مش حد تاني .
كان رد خالد عليا اسوأ من اول مرة وقالي لو كلمته تاني او جيبت سيرته في حاجة هيفضحني .
اضطريت اني اروح لوحدي علشان اطمن بدل الشك اللي هيقت لني ده .
وفعلا ركبت عربيتي وروحت في المكان المهجور اللي ډفنا فيه جوزي وحفرت مكانه وفعلا لقيت مكانها متحللة لكن قبل ما اردم الحفرة تاني كان البوليس حواليا من كل مكان وابني وعم ابني واقفين معهم !!!
قبضوا عليا بعد ما مسكوني متلبسة و عرفت كل اللي حصل …
ابني شاف خالد معايا في يوم بعد مۏت جوزي لأننا كان حرصنا قل كتير واخدنا راحتنا خاصة ان ابني صغير .
ابني فضل يعيط كتير وخاف يتكلم لحد ما راح عند جدته وعمه وهو كان بيحبهم ومتعلق بيه اوي خاصة عمه اللي سأله عن سبب حزنه الواضح راح حكي لعمه علي اللي شافه !!
بعدها كل اللي حصل كان بترتيب ما بين عم ابني والبوليس وابني لحد ما قدروا يوقعوني ويمسكوني متلبسة .
المحكمة حكمت عليا وعلي خالد بالاعډام وانا قاعدة كل ليلة منتظرة تنفيذ الحكم بعد ما ابني اتبرأ مني وكل اهلي اتبرأوا مني وكلهم رافضين يزوروني .
