عجبك كده ياعم حازم انا مصدقت انها حنت عليا وبقت كويسة انا مش عارف انا ليه طاوعتك على القرف ده انا غلطان ياعم
حازم
الله الله جرا ايه يا عم مازن هو انا مش صاحبك ويهمني مصلحتك ولا ايه انت هتعمل عليا انك برئ ما انت بتشرب من زمان وشغال يعني هي جات على السيجارة دي
مازن
ياعم ما أنا برضو مكنش المفروض مكنتش اشرب معاك هنا خالص الله يخربيت الشيطان ياعم انتحازم
خلاص بقا ماقولت لك اني هرجعها لك انت مالك ياض عامل زي العيل الصغير كده ليه لا حول الله اهدي
وبعدها رجع
حازم البيت وقالي
عرفتي اللي حصل مش صاحبتك سابت البيت لمازن ومشيت على بيت ابوها
يانهار ابيض انت بتتكلم جد يا حازم طيب وهي هتعمل كده ليه وانت عرفت منين
حازم
ما أنا ياستي روحت لهم عشان خاطر اقوله على مصلحة كده ماهو الصراحة صعب عليا اوي لما قولتي لي انه قاعد في البيت وكده رحت لقيتهم والعين نار ياسهام وراحت نجلاء قالت له انا رايحة بيت ابويا وانت لما تبقا راجل تبقى تيجي تاخدني
سهام
لا حول ولا قوة الا بالله طيب ليه بس نجلاء تعمل كده دي الواحده فينا ملهاش غير بيت جوزها
وبس هي بقا ليه تمشي ده جوزها غلبان خالص
حازم
انتي مالك عماله تدافعي عنه كده ليه ياسهام الله ما تتعدلي كده هو في ايه
سهام
ايه ياحازم في ايه هو انا يعني عشان بقول كلمة حق تقوم تطلع فيا كده وبعدين انت بتغير عليا من مين ده مازن ده طول عمري بعتبرة جوزي اختي وزي اخويا
حازم
ولو يا سهام انتي مراتي ومازن ده راجل برضو وانا مقدرش اسمع مراتي وهي بتدافع عن راجل تاني ماشي
سهام
ماشي ياحبيبي خلاص وانا مش هتكلم عن حد تاني عشان ميصحش كده ابدا انا عارفه
حازم
طيب قومي حضري لي لقمة أكلها يلا بسرعه الا انا جعان
سهام
من عنيا حاضر دقيقة واحده وهكون عملت لك الاكل انا طابخة اصلا الاكل اللي بتحبه
ودخلت المطبخ وهو اتصل بنجلاء وقال لها
اسمعي انا قولت لسهام اني رحت لكم البيت ولقيتك انتي ومازن بتتخانقو عشان كده انتي مشيتي وسبتي البيت
نجلاء
طيب هعرفها كده خلاص وبعدين يا خويا انا جيت عند أبويا عشان الصراحة عايزة اطلق منه بقا خلاص يا حازم انا عايزك انت اتصرف بقا
حازم
يابت ما انا ناوي اتجوزك انتي هو انا يعني طايق البومة اللي
عندي ديه ده انا مش طايقها خالص ونفسي اعيش معاكي انتي ياقمري
نجلاء
خلاص بقا انا هستناك هو يطلقني وانت تتجوزني
حازم
اسمعي بقا انتي حاولي ارجعي البيت عشان انا مش هعرف اجي لك عند ابوكي ماشي وانتي عارفه انا ببقا عايز اجي لك علطول انا الصراحة وعدته اني هاجي لك عند ابوكي وارجعك ماشي
نجلاء
خلاص هستناك يا حازم تيجي لي عند ابويا يلا انا هقفل دلوقتي بقا سلام لحسن ابويا يقولي انتي بتكلمي مين
وبعدها انا خرجت من المطبخ وقولت له
انت بتكلم مين في التليفون ياحازم انا جهزت الاكل اهو
حازم
لا ابدا ياستي اصل مازن كلمني تاني دلوقتي وعمال يترجاني عشان اروح اكلم له نجلاء عشان ترجع البيت انتي رأيك ايه يا سهام اروح لها عند ابوها ولا اعمل ايه
سهام
والله ياحبيبي انت لو رحت تصالحهم على بعض يبقا انت كده هتعمل خير فيهم ده الاتنين مش بيستغنو عن بعضهم خالص وانت بقا ياحبيبي يبقا كتر خيرك
حازم
خلاص هبقا افكر في الموضوع ده كده وابقي اروح لها عند ابوها بس انا بيني وبينك انا مش بطيق الراجل ابوها ده ولا مراتة دي مراتة دي لوحدها عايزه لها دماغ
سهام
معلش يا
حبيبي انت اتجنبها وخلي كلامك مع ابوها وبس وهو بقا يتصرف ويخليها ترجع لجوزها
حازم
خلاص خلاص يا سهام انا بكرة بعد مارجع من الشغل كده هبقا اروح لحد عندهم وربنا يستر بقا وبعد شوية لقيت حماتي طالعه عندي وبتقولي
جرا ايه يا حبيبتي هو انتي مش عايزة ابني يجي عندي ولا ايه وانت ياحبيب امك مبقتش تعدي عليا خالص بقيت تيجي من بره على هنا علطول هي امك دي ملهاش حق عليك يعني
سهام
طيب وانا مالي بس يا حماتي هو اللي لسه راجع من برة انا بقا مالي يعدي عليكي ولا يجي على هنا هو انا يعني اللي بقولة مايعديش عليكي
الحما
وليه لا ياختي ما أنا عارفاكي بت سماوية وقلبك اسود وانتي اللي بتعصية عليا دايما
سهام
انا برضو ماترد على امك ياحازم ولا انت بس مفيش في دماغك الا الاكل انت نازل اكل وسايب امك تقول عليا كده ينفع ياحازم
حازم بياكل وبوقه مليان وقال لها
جرا ايه ياما وهي يعني سهام هتمنعني عنك ليه انا اللي كنت في مشوار وجيت طلعت على هنا
علطول عشان كنت جعان بس وعايز اكل
الام
ايوه ايوه دافع عنها ياخويا ماهي مراتك حبيبتك وانا حي الله امك وبس يعني هي أغلى عندك مني
حازم
متقوليش كده ياما انا معنديش أغلى منك في الدنيا كلها وبعدين سهام دي بتحبك ياست الكل
الام
لا ياخويا وانا مش عايزاها تحبني انا كفايه عليها تحبك انت وبس بقولك ايه انا نازله تحت وإياكي يا حازم تتكرر تاني والاقيك تطلع كده من غير ماتعدى عليا
وبعدها نزلت حماتي وانا قولت لحازم
عجبك اللي امك عملتة ده ياحازم انا ساكتة عشانك انت بس امك زودتها اوي
بقا الصراحة هو انا كنت عملت لها ايه يعني طب ده انا قايدة لها صوابعي العشره شمع
حازم
يوووه بقولك ايه ياسهام انا مش عايز وجع دماغ وبعدين احنا لسه بنقول على اللي سابت بيتها ومشيت ولا انتي كمان بقا هتعملي حجة وتقولي امشي واسيب لك البيت
سهام
لا يا حازم انا اعقل من اني اسيب بيتي وامشي اصلا انا اكبر من كده ياحبيبي على العموم اامك دي انا بعرف اتصرف معاها وبجيبها بشوية حنية سيبك انت
وفي بيت ابو نجلاء كانت مرات ابوها قاعده مخنوقة منها وقالت لها
هو انتي ياختي ناويه تتطولي في
القاعده عندنا هنا ولا ايه وبعدين هو مش بيت جوزك أولى بيكي ولا ايه
نجلاء
والله انا قاعده في بيت ابويا يا فوزية ومش عايزة كتر كلام واصلا اصلا محدش يقدر يمشيني من هنا ولا ايه يابا
ابوها بيشرب شيشة وقال لها
ايوه يا نجلاء بيت ابوكي يا بنتي بس بيت جوزك بيكي أولى طبعا وانتي هنا النهاردة ولا بكرة ولا بعده انتي مسيرك راجعة لبيت جوزك وفوزية بتتكلم صح
