الفصل الثاني
ابتسمت بإنتصار وانا بشوف توتره وبعدت وقولت
احنا اكلنا برة ممكن انت تدور في التلاجة علي حاجة تاكلها أنا هكتب الواجب مع الاولاد وياريت تحط فلوس تاني في
الفيزا عشان الفلوس قربت تخلص
فاق من توتره وقال
نعم يا اختي مش لسه حاططلك عشر الإلاف من تلات ايام
هزيت كتفي وقولت
مصاريف عيالك كتيرة أنا أعمل ايه !ايه هتحرمهم ولا السنيورة الجديد مقشطاك أول بأول لو مش عارف تصرف عليهم اروح لباباك واقوله علي كل حاجة يمكن هو يصرف علينا ما دام ابوهم مش قادر يصرف عليهم
خلاص يا زينب اسكتي
هحطلك فلوس مش كل شوية تسمي بدني بالكلمتين دوول
ابتسمت وهو بياخد مني الفيزا وانا دخلت جوا
ضحكت وانا سامعة باب البيت بيقفل جامد
روحت الحمام اخدت دوش علي السريع ولبست الفستان اللي اشتريته جديد وفردت شعري الطويل وحطيت ميكب خفيف وروحت اقعد مع الاولاد عشان اذاكرلهم
بعد شوية جالي مروان وقف مبهوت وهو بيبصلي قعد مع الاولاد معايا واداني الفيزا كانت عينيه طالعة عليا بس مكنتش مدياله أي اهتمام كنت بذاكر للاولاد ومنشغلة معاهم لما ملقاش أي اهتمام مني قام بزهق وطلع البلكونة
بعد ما خلصت كنت جعت انا والاولاد قررت اعملهم عشا بسيط عشان
يناموا بدري
عملتلهم شاي بلبن وسيحتلهم جبنة رومي في عيش فينو اكلتنا المفضلة واكلنا كلنا وبعدين ناموا
غسلت المواعين في المطبخ ولسه هطلع شهقت لما شوفت مروان ابتسم وقرب مني وهو بيلعب في شعري وقال
وحشتيني
قصر
قولتها ببرود فضحك وقال
يعني انتي مش متشيكة كده عشاني
ضحكت وقولت
ياااه انت لسه منضجتش يا مروان متعرفش اني دايما بلبس كده في البيت لاني بحب اشوف نفسي جميلة معقول بعد السنين دي كلها مش فاهمني !
عينيه لمعت بخبث وقال
استغفر الله أنا !لا طبعا
وشه اتجمد وبعد وقال
بما أنك قرفانة مني متجوازني ليه!
ابتسمت بإستفزاز وقولت
مصدر فلوس كويس جدا يا مارو
وبعدين سيبته وروحت انام في اوضة الاولاد
تاني يوم كان إجازة من المدرسة
قررنا نروح انا والاولاد النادي
حضرتلهم فطار ملوكي ومروان صحي من النوم
سلم علي اولاده ودخل الحمام طلع من الحمام وجرس الباب رن راح عشان يفتح الباب وطول شوية وبعدين سمعت صوت مألوف
لا هدخل
اتجمدت مكاني وانا بشوف حبيبة جوزي داخلة بيتي
بيتكم
حلو اووي
قالتها بإبتسامة بجحة
بصيت علي مروان المتوتر وانتبهت لما بنتي قالت
مين دي يا ماما !
قربت البنت من بنتي تقي وقالت وهي بتلمس شعرها
انا اشرقت يا حبيبي ابقي زميلة بابا في الشغل وهبقي
بإبتسامة لطيفة قاطعتها وقولت
يا أولاد روحي اوضكم يالا وجهزوا نفسكم عشان نروح النادي
الاولاد سمعوا كلامي فورا وراحوا اوضهم
بصيت لأشرقت بوش احمر من الڠضب فابتسمت بإستفزاز وقالت
اولادك
وقبل ما تكمل جبتها من شعرها وصړخت
قولتلك لو قربتي من اولادي ھقتلك صح
وبعدين جريتها ورايا وهي بتصرخ
حاول مروان يبعدني فصړخت فيه
وديني لو مبعدتش هقول لاهلك واهلي علي
قرفك يا مروان
بعد فورا وانا لسه ماسكة
اشرقت من شعرها بعدين خبطت راسها في الحيط وقولت
قولتلك لو جيتي علي اولادي هطلع قلبك واكله وانا هنفذ وعدي دلوقتي !
يتبع
الفصل الاخير
خلاص والله أنا اسفة اسفة
قالتها وهي بټعيط فقربت منها بشړا
سة وقولت
شوفي لو في يوم لمستي شعر بنتي تاني او فكرتي تقربي من اولادي عامة أنا بجد ھقتلك الا اولادي انتي فاهمة اولادي لا لا خدي مروان كده كده مبقتش اهتم بيه لكن أولادي ملكي ملكي وبس!!
وبعدين زقيتها لحد ما طردتها برا وقفلت الباب بصيت لمروان پغضب كان ڠضب العالم كله جوايا قربت منه وانا بطلع ڼار من راسي وقولت
اسمعني يا مروان خياناتك بسكت عليها لاني غسلت ايدي منك مديت ايدي ليك مرة واتنين ومية وكنت مصمم تبقي مقرف للاخر لكن أولادي اللي انا مستحملة قرفك عشانهم وعشان ميتحرموش منك وميتشتتوش بيننا هتدخلهم في قرفك اقسم بالله اقټلك واخلص منك انت فاهم يا مروان اولادي خط احمر انت فاهم
رجع مروان لورا وقال
فاهم فاهم يا زينب اهدي
وبعدين روحت علي اوضتي وانا ماسكة دموعي مكنتش عايزاه يشوف دموعي ابدا هو ميستاهلش
دخلت الاوضة وقفلت علي نفسي الباب ودموعي بتنزل قعدت علي الأرض وحطيت ايدي علي بوقي وفضلت اعيط مش سهل اتحمل الوضع ده د بس كان لازم اكون باردة في اللحظة اللي بقيت فيها ام وعدت نفسي اني هعيش أولادي عيشة احسن مني بكتير أنا عيشت وامي وابويا منفصلين ورغم انهم حاولوا ميقصروش الا اني دايما حسيت بالنقص حسيت اني محتاجة يكونوا سوا كنت محتاجة لدفا العيلة كنت بزعل من جوايا لما بشوف اهل اللي حوليا معاهم ويمثلوا العيلة اللي انا عايزاها وانا اهلي لا عشان كده رفضت ان عيالي يعيشوا نفس الحياة استحملت الخېانة مرة واتنين وعشرة وحاولت اصلح كتير بس
ده
طبع فيه لحد ما قررت ان كده كفاية رمېته من حياتي وخليته في حياتي عشان
اولادي وبس رفضت اني ابوظ صورته في عيون اولادي عارفة انهم هيكتشفوا أكيد بس وقتها يحلها ربنا المهم دلوقتي ميتحرموش منه وانا مستعد اتحمل زي ما اتحملت طول عمري مش مهم مسحت دموعي وقومت من
علي الأرض وروحت الحمام غسلت وشي ولبست عشان اروح النادي
كنت ماسكة كف اولادي وانا خارجة ومروان كان قاعد علي الانترية حاطط ايديه علي راسه أول ما شافنا قال
مش هتسلموا عليا يا أولاد
جريوا الاولاد عليه وحضنوه وبعدين خرجنا
روحنا النادي وانبسطنا
كنت مبسوطة وانا مش حارمة اولادي من أي حاجة مهما حصل ومهما هيحصل هيفضلوا اولادي هما السبب اللي بحارب عشانه أي حد واي حد هيجي علي اولادي هأكله بأسناني هما جيشي في الحياة ديه واغلي ما عندي
خلصنا لعب في النادي وقعدنا لحد بالليل نهزر ونضحك
واليوم كان لطيف نساني المرار اللي شوفته النهاردة حضنتهم في التاكسي وهما تعبانين أه لو يعرفوا أنا بتعب ازاي عشانهم
رجعت وخليتهم يأخدوا دوش بسرعة ولبسوا وراحوا ناموا علطول
بعدها أنا روحت أعمل كاكاو سخن وقعدت اتفرج علي فيلمي المفضل دخل مروان وقتها البيت ولقاني قاعدة قرب مني وقال
انا
قطعت
علاقتي بأشرقت وبأي بنت بخرج معاها
شربت الكاكاو ببرود وقولت
قررت تبطل قرف يعني ده كويس ليك لدينك ولصحتك توب بقا
أنا عايزك تسامحيني يا زينب ونبقي زي الأول
ضحكت بتريقة وقولت
كان علي عيني والله بس انت استنفذت كل فرصك معايا
يا زينب ربنا بيغفر انتي مش هتسامحي
هزيت كتفي وقولت
ربنا لانه أكبر من أي ذنب بيغفر لكن اغلاطك في حقي خلتني انفر منك مش هقدر اسامح اللي بطلبه منك أنك تحافظ علي صورتك وسمعتك عشان اولادك اولادك اللي أنا عايشة معاك بسببهم لكن أنا بطلت احبك
ابتسم
وقال بحزن
انا هعمل المستحيل عشان اخليكي تحبيني تاني وتسامحيني وتحبيني من تاني
هزيت كتفي وقولت good luck
وبعدين قومت مين عارف بكرة ممكن يحصل ايه ممكن فعلا يحاول لحد ما يصل لنقطة تخليني اسامحه واحبه من جديد بس الاكيد الغفران مش هيكون بسهولة هيكون صعب اووي وممكن مستحيل كمان وسواء سامحت او مسامحتش مش مهتمة طالما اولادي بخير هما سبب حربي في الحياة
تمت