في ليلة كنت راجع من الشغل

وأنا راجع من شغلي بالليل
كنت راكب الأتوبيس ..ولاحظت
شنطة سامسونيت على الكرسي اللي جنبي
الأتوبيس كان شبه فاضي الا من كام راكب قاعدين
قدام وانا في كنت في منتصف الأتوبيس
لوهلة فكرت أقول للسواق اني لقيت شنطة لكن في شعور منعني من كدا ..وهو انه مثلا ممكن السواق يكون مش أمين
فيضرب عليها ..او كان عندي فضول أعرف أيه جواها
وصلت البيت كانت امي مجهزالي العشا لما أتصلت بيا وانا في الطريق واستغربت لما شافت الشنطة معايا ولما سألتني عنها ..قولتلها دي بتاعت واحد صاحبي ..فيها شوية حاجات تبع الشغل بعدها اتعشيت وهي

دخلت تنام
انا وامي عايشين بس لوحدنا بعد وفاة بابا وجواز أختي الوحيده منار
دخلت أوضتي ..وحطيت الشنطة على المكتب قدامي ..جيت أفتحها
لقيتها مقفولة بباسورد .
طيب أفتحها بالعافية وابوظ القفل !!
قولت لنفسي
يا ترى ممكن يكون ايه الباسورد يا واد يا هاشم
يا ترى ممكن يكون ايه !!
طب ما أجرب تاريخ ميلادي ..
ايه الهبل دا !

طب وهتخسر ايه ..جرب
طيب أهو 143
وقفت من مكاني وبصيت بذهول للشنطة
مش ممكن ..الشنطة أتفتحت بالفعل
ايه الصدفة العجيبة دي
الاقي شنطة ملهاش صاحب والباسورد بتاعها
بتاريخ ميلادي
شعرت برهبة بصراحه ..بس كانت مصحوبة بتشويق برضو
ماهي حاجة ما بتحصلش كل يوم..بسرعه
فتحتها ولقيت جواها موبايل ولاب

توب
أكيد دول بتوع صاحب الشنطة
جيت افتح الفون عشان أكيد صاحبه
هيتصل عليه واعرفه ان حاجته معايا لقيته قاطع شحن
بصيت على اللاب ..وقولت افتحه يمكن الاقي فيه
معلومه عن صاحب الشنطه
بسرعه حمل وفتح ..فضلت اقلب فيه
ملقتش اي شئ غير شوية فولدرات مكتوبة بالأنجلش
بس لفت نظري أن فيهم فولدر عليه أسمي
Hashim fathy
أستحالة كل اللي بيحصل دا صدفة
بسرعه فتحت الفولدر دا ..لقيت جواه CV عني
اسمي ودراستي وعنواني وعنوان شغلي ورقمي القومي
طولي ووزني أكلاتي المفضلة
الناس القريبين مني
فاطمة

جمال السيد 52 سنة دي أمي
أميرة عادل مهني 24 سنة .. دي خطيبتي
هما دول محور حياتي حاليا
في صور كتير هنا ليا انا مش فاهم حاجه
الموضوع كدا مريب جدا
كمان لقيت فيديو ..فتحته
ولقيت نفسي في مكان معرفوش
واقفه قدامي وحده غريبة معرفهاش ..وأنا معايا مسدس وضربتها بالنار ..ووقعت ع الأرض غرقانه في دمها
والفيديو انتهى على كدا !!!
مش ممكن ..انا لايمكن أقتل وبعدين مين الست دي
أنا معرفهاش ..

قفلت اللاب توب ..وفضلت_الف وأدور
في الأوضة زي المجنون
ألف سؤال وسؤال في دماغي ومش لاقي ولا أجابة
منطقية عن كل اللي بيحصل دا
يارب اكون في كابوس وأفوق منه بس لأ
انا صاحي واللي قدامي دا حقيقة
شحنت الفون اللي لقيته في الشنطه وفتحته
قلبت فيه ..ملقتش اي حاجة
كان فيه خط موبايل.

.توقعت أن اكيد في حد هيكلمني
او يبعتلي مسدج عليه ..فضلت مستني طول الليل
لغاية ما غلبني النوم ..ومحستش بنفسي الا تاني
يوم على صوت أمي وهي بتصحيني
صباح الفل يا بطه ..هي الساعه كام دلوقت
الساعه 7 يلا كفاية كسل
حاضر وراكي على طول أهو
فطرت ونزلت ..ووصلت الشركة وهناك
قابلت أميرة
ايه عنيك حمرا ليه كدا
منمتش كويس
وايه كان مسهرك بقى يا بيه
مفيش ..عادي يعني أرق
أممم قولتلي !!
عدى اليوم بسرعه ورجعت البيت..لقيت ماما تعبانه
خير يا امي مالك !

مفيش بس حسيت بشوية دوخة
والجيران طلبولي الدكتور ..بس انا كويسه دلوقت
وليه مكلمتنيش !!

محبتش اقلقك وانت في الشغل صدقني انا كويسه
بس معلش بقى مقدرتش أطبخ النهارده
لا ولا يهمك يا ست الكل انا هطلب دليفري
ومتتعبيش نفسك خالص الفترة دي
وأنا هعمل كل حاجة بنفسي ..طلبت أكل من بره
وبعد ما اتعشينا ..امي خدت علاجها واطمنت عليها
ونامتدخلت أوضتي ولقيت الشنطة قدام مني ع المكتب
قعدت على السرير وأنا بفكر في المصيبة اللي قدامي
دي ..فكرت اخد اللاب والفون واتخلص منهم
مفيش دقايق والفون اللي لقيته كان بيرن
رقم مجهول مش ظاهر ع الشاشه
الو ..انت مين
هاشم ..مفيش وقت لازم

تيجي بسرعه
عشان تنقذها
أنقذ مين !!! ..وانت مين اصلا وايه موضوع ال..
الحقني يا هاشم هيموتوني ..
دا صوت أميرة خطيبتي
بقولك مفيش وقت. لازم تلحقها قبل ما تتقتل
لو حصلها حاجة انا ..

خد العنوان وتعالى بسرعه مفيش وقت
نزلت وانا بجري زي المجنون
واخدت تاكسي وروحت ع العنوان عشان انقذ أميرة ..وصلت العمارة وطلعت للدور الخامس ووقفت قدام باب الشقة
هو دا العنوان ..الغريبة أني لقيت باب الشقة مفتوح
دخلت وانا قلقان وحاسس انه في مصيبة
المكان دا انا شوفته فين قبل كدا
حاسس اني جيت هنا رغم انها اول مرة اجي المكان دا
سمعت صوت صرخة مكتومه جاية من أوضة من الأوض
جريت بسرعه عليها ..ولما فتحت الباب
مكنش في حد موجود ..بس سمعت صوت دربكة
وصراخ جاي من ناحية الدولاب

دي أكيد أميرة ..فتحت الدولاب ..لكن
ملقتش حد الدولاب كان فاضي !!

انت مين وبتعمل هنا ايه
ألتفت ورايا واتفاجأت لما شوفت الست صاحبة الصوت
ايوه افتكرت دي الست الي انا قتلتها في الفيديو
ودي الشقة اللي كنت موجود فيها بصت لي وقالت
انت مين وعايز أيه
انا اسف شكلي دخلت الشقة غلط
لأ أنت حرامي
صدقيني أنا مش حرامي انا خطيبتي مخطوفة
واللي خطفوها قالوا انها في العنوان دا
بس الظاهر اني غلطت في العنوان او انهم خدعوني
الكلام دا تقوله لحد غيري ..هو انا داقة عاصفير
رايح فين ..أقف هنا لاضربك بالنار
ألتفت ليها لقيتها ماسكه مسدس موجهاه ليا

مسكت المسدس منها وحاولت أخده من ايديها
فضلت تشد فيه وهي رافضة تسيبه وانا بحاول اخد منها
فجأة طلعت طلقة منه أصبتها والدم انفجر من بطنها
وقعت على الأرض وانا هربت من الشقة
وفي الطريق لقيت الرقم المجهول بيكلمني تاني
بعصبية الدنيا قولتله
انت مين وعايز مني ايه
للأسف انت متورط في جريمة قتل يا هاشم
ومتصورة صوت وصورة ..

يعني الفيديو اللي شوفته في الأول دا كان متفرك
صوت ضحكه
بس انا كنت في الفيديو ..انا شوفتني
واستغربت لما اتكرر نفس الموقف من تاني
بنفس المكان ونفس الست
انت أصبحت قاتل يا هاشم
فين أميرة
أميرة في بيتها في الحفظ والصون محدش قرب منها.
قفلت في وشه واتصلت عليها
الو ..أميرة انتي كويسة
ايوه انا كويسه !!

خير يا هاشم في ايه
انتي في بيتكم يعني
ايوه ..اومال هكون فين يعني
الحمدلله
هو في ايه انا مش فاهمه
مفيش حاجة ..سلام دلوقت
اتصال تاني من نفس الرقم
ها اتأكدت بقى انها في البيت وبخير
ابعد عني بقولك وطلعني من دماغك
أنسى انك ممكن تبتزني انا كنت بدافع عن نفسي
مقصدتش أقتلها
طب يا أخي لو مش خايف على نفسك
خاف على والدتك
اوعي تجيب سيرة أمي على لسانك ..انت فاهم
متقلقش والدتك ضيفه عندنا معززة مكرمه
من الصبح
بتقول ايه ..انت كداب

امي لسه سايبها في البيت
من ساعتين !
ومين قالك اصلا أن اللي في البيت دي تبقى والدتك
صوت ضحكه مستفزة وبعدها قفل الخط
هو ايه اللي بيحصل دا
معقول تكون الست اللي ف البيت مش أمي
رجعت البيت بسرعهولقيت امي نايمة
الشك والقلق كان هيجنني
لو دي مش امي هتكون مين
روحت الشغل الصبح وقابلت أميرة
وحكيتلها عن كل حاجة .

كانت مندهشه من اللي بتسمعه ..وفضلت تفكر معايا
مين ممكن يكون ليه يد في كل اللي بيحصل دا
مش عارف ومش فاهم أيه غرضه من كل دا
انا تعبان اوي وحياتي واقفه
مش عارف انام ولا اكل ولا اعمل اي حاجه
طيب بس ممكن تهدى عشان خاطري
متقلقش كل حاجة وليها حل ..بس قول يارب
يارب
رجعت البيت وكنت حاسس أن امي فيها حاجه متغيرة
مش ممكن دا يكون بسبب تعبها
جاتني فكرة
الا قوليلي صحيح يا ماما ..هو الجاكيت الأزرق
بتاعي فين دورت عليه كتير ومش لاقيه

اكيد في الدولاب ..هيروح فين يعني
بس انا مش عندي جواكيت زرقا ومش بحب اللون
دا من أساسه ..وانتي عارفه كدا كويس يا ماما !!

يوه ..والله يا هاشم مش مركزة خالص يا بني
هنا أبتدا الشك يزيد ..بس مش قادر اواجه امي
بكدا..حيرة مابعدها حيرة ..فضلت افكر
في طريقة تانية ..ممكن توضح لي الحقيقة
لقيت أميرة بتتصل بيا ..عشان تطمن عليا
قولتلها على موقف الجاكيت الأزرق
قالت بس دا مش سبب يخليك تشك فيها
يمكن فعلا مش مركزة
فضلت افكر شوية وقولتلها..بس خلاص
عندي فكرة تانية هي اللي هتوصلني لحقيقة
اذا كانت الست الي جوه دي أمي ولا لأ
ايه هي
هقولك ..

بعد نص الليل دخلت أوضة امي وهي نايمه
وشكيتها بأبرة جهاز قياس السكر في صباعها .. وخرجت
بسرعه..
روحت على أقرب معمل تحليل وكانوا شغالين
خدمة 24 ساعة ..وطلبت اعرف نوع فصيلة الدم
فصيلة دم امي هي نفس نوع فصيلة دمي
ودا بقى اللي هينهي كل شكوكي
فضلت مستني النتيجة وانا على نار
وللاسف اللي كنت خايف منه لقيته
فصيلة الدم مختلفه ..
يعني ايه ..اومال مين اللي ف البيت دي وأمي راحت فين!!

رسالة من الرقم المجهول
مش قولتلك الست اللي عندك دي مش والدتك
عشان تصدق بعد كدا
رجعت البيت تاني وصحيت الست اللي نايمه
هاشم ..خير يابني في ايه
انا مش ابنك..وانتي مش امي ..
ايه اللي انت بتقوله دا !!
فين أمي..ابوس ايدك ..امي ست كبيرة وعيانه
بلاش تدخلوها في اللعبة بتاعتكم دي
لعبة ايه يا هاشم ..فهمني يابني انا مش فاهمه حاجة من اللي انت بتقوله !!

انا هعملكم اي حاجة تطلبوها مني ..صدقيني
بس رجعولي أمي
ياهاشم انا امك يا حبيبي ..صدقني انا أمك
لا مش امي ..انا كنت شاكك وخلاص اتأكدت
انا لسه راجع من معمل التحليل دلوقت
وعينة دمك بتقول انك مش امي
محستش بنفسي الا وانا بخنقها
بقولك انطقي وقولي وديتوا امي فين
اتكلمي
حرام عليك يا هاشم انا هموت
مش هسيبك الا لما تقولي فين امي
انا امك ..انا امك!!

لسه مصممه ..فجأة لمحت علبة عصير واقعه
على الأرض جنب سرير أمي
إيدي اترخت من على رقبتها وهي فضلت تسعل بشدة
مين جاب علبة العصير دي هنا
اتكلمي ..مين اللي جاب العصير
مش فاكرة ..صدقني مش فاكرة
طيب قومي معايا
على فين بس
قومي معايا مش وقته
طيب حاضر ..غيرت هدومها واخدت تاكس
وروحت بيها على معمل تحليل تاني
والنتيجة طلعت مختلفه عن المعمل اللي كنت فيه
من شوية ..

واتضح انها امي
بوست أيدها ورجليها ..وقولتلها حقك عليا يا امي انا اسف
كانت ايدي تتشل ولا انها تتمد عليكي ..ارجوكي سامحيني
نزلت دموعها ..وقالت لو عملت أكتر من كدا مسامحاك
يا نور عينيا
مشينا من المعمل ورجعنا البيت
فضلت طول الليل سهران وأنا بحاول أجمع الخيوط
كلها ..وافهم ايه حقيقة اللي بيحصل دا
كان عندي شك في حاجة معين ..بس لازم أتأكد
تاني يوم الصبح عديت على الصيدلية اللي قصاد بيتنا
وطلبت من صاحبها يوريني تسجيلات كاميرا المراقبه
اليومين اللي فاتوا كنت عايز اتأكد من حاجه مهمه
واتأكدت

وصلت الشغل وقابلت أميرة ..
أميرة الست اللي في البيت طلعت مش امي
انت بتتكلم جد!! ..دي كارثة طب وبعدين
مش عارف ..انا حابسها في البيت ولازم اخليها تعترف بكل حاجه والا هقتلها ..بس انا محتاج مساعدتك
خير قولي على اي حاجه وانا هساعدك
هنوصل لمشوار مهم بعد الشغل
مشوار ايه !!
هتعرفي لما نوصل
وصلنا لشقة بتاعت واحد صاحبي
أمي كانت مستنياني هناك
ويادوب وصلنا كان وصل خالي ابن عم ماما
معلش اتاخرت عليكم يا جماعه
خشي يا ميرو سلمي على حماتك
وعلى خالي
كانت مستغربة..

دخلت وهي مترددة
ازيك يا طنط
.ازيك يا عمو
فجأة مسكتها من شعرها بقسوة وقعدتها بقوة على الكرسي
ايه دا في ايه يا هاشم انت اتجننت!!
اه ..انا اتجننت فعلا ..لما يوصل بيا الحال
اني كنت هقتل أمي ..اغلى انسانه عندي في الدنيا
يبقى انا اتجننت فعلا
وانا مالي بكل دا ..وبعدين مش انت بنفسك
قولت انك اتاكدت انها مش امك لما روحت المعمل
اسكتي هو انا مقولتلكيش
مش انا أخدتها لمعمل تاني غير اللي قولتلك عليه
وأتاكدت انها أمي
ايه !!!

ايوه ..بعد ما كنت خلاص هطلع روحها في إيدي
بس لحسن الحظ ولسوء حظك اني عيني لمحت
علبة العصير دي
عارفاها ..

عنيها كانت بتبص بأندهاش لعلبة العصير
دا العصير المفضل ليكي يا هانم ..وحضرتك
جبتي منه علبه لحماتك المسكينه من يومين
وحطيتي فيها مادة تخليها تفقد_اتزانها وتركيزها
وبالتالي تخليني أشك فيها
انت بتقول ايه هاشم ..انا مجبتش عصير لحد
وطنط ليا فترة مشوفتهاش من ساعة اخر مرة كنت فيها معاك
كان نفسي أصدقك بس للاسف كاميرة المراقبه اللي في الصيدلية الي قدام بيتنا جابتك من 3 ايام ..وانتي داخله البيت عندناوخرجتي بعد عشر دقائق ..ودا لما اتاكدتي ان امي شربت من العصر وبالتالي مش هتفتكرك ولا هتفتكر انك زورتيها أساسا
فاكرة يومها ..هو دا

اليوم اللي اخدتي فيه اذن ساعه من الشغلمش كدا
يعني انتي ورا كل اللي بيحصل دا
هاشم انت ظالمني
سحبت سين من المطبخ وحطيته على رقبتها
لو مقولتش كل حاجة ..اناة هخلص عليكي
بلاش يا بني متوديش روحك في داهية عشان وحده
متستاهلش..الحمدلله أن ربنا كشف حقيقتها قبل ما تتجوزا
انا كدا كدا رايح في داهية يا امي..انا اتورطت في جريمة قتل عشان كنت عايز أنقذها..فمش فارقه انا أقتل مرة كمان
لأ..انت مقتلتش حد اصلا يا هاشم
أرجوك نزل السكينة متضيعش نفسك
يعني ايه .. اتكلمي !!

حاضر حاضر ..انا هقول على كل حاجة
الموضوع بدأ من شهر بالظبط ..لما وحده صاحبتي
كلمتني وعرفت منها أن خالها رجع من بره هو شغال دكتور
في جامعة أكسفورد ..دكتور علم نفس
وبيعمل ابحاث وتجارب كتير ..
قالت انه في تجربة مهمه جدا هو شغال عليها من فترة
وقرر أنه يبدا في تطبيقها بشكل عملي
تجربة !!

تجربة ايه دي وانا ايه علاقتي بكل دا
تجربة كيف تصنع مريض نفسي
من خلال التقنيات الحديثة المستخدمة لإصابة الأسوياء بالمرض النفسي
يعني ايه وضحي
الموضوع كبير بس حسب ما فهمت أنه ليه عدة طرق
زيالذبذبة العصبية والتنافر المعرفي والإبدال المعرفي والإقحام المعرفي والتشفير العميق والتشفير بالنموذج والتقطيع الإدراكي والتشويش الإدراكي والتشويه الإدراكي الأحادي والعزل الحسي وغيرها من التقنيات بعضها شديد التعقيد أو غامض في شرح خطواته..تقدر تقول بأختصار غسيل دماغ .

ودا هدفه وضع شخص ما بدون علمه
في عدة مواقف صعبة تقلب حياته رأسا على عقب
وتخليه يتحط في ضغوط ومواقف صعبه للغاية
وبيتم دراسة سلوكه وردود افعاله بناء على المواقف دي
ومن خلال دا ممكن يتنبأ بالتوصل لحل عدد من الامراض النفسية اللي بتخلي الشخص يفقد ثقته بنفسه
وباقرب الناس ليه
وانتي رشحتيني أنا عشان أكون فار التجارب للبروفيسور الفذ دا !!

مش كدا
بصراحه اه ..صاحبتي قالت أن خالها عارض مبلغ كبير
للي يساعده في اتمام التجربة دي
وبصراحه مبلغ 20000 دولار مش قليل خالص
يعني انتي بعتيني عشان خاطر الفلوس
يا حبيبي لأ.. ماهو كله لينا في الاخر
التجربة كانت مدروسه ومش ممكن تضرك ابدا
وبكدا كنا ممكن نتجوز بسرعه والفلوس دي كانت هتحل كل مشاكلنا
ضربتها بالقلم على وشها
ااااه ..اهبل انا مش كدا ..
كنتي هتسبيني وتكملوا التجربة عليا
ولما مستقبلي يضيع واقتل امي واتجنن
حضرتك تاخدي الفلوس وتعيشي حياتك
واولع انا مش كدا!!

بصت ع لأرض ومقدرتش ترد
انتي اوسخ انسانه شوفتها في حياتي
واحب أعرفك بالرائد صلاح عمر رئيس مباحث
بصت بذهول الظابط اللي قالها
اطمني يا انسة اعترافك متسجل صوت وصورة
وجاري اصدار أمر من النيابة بضبط وأحضار
للبروفيسور والست صاحبة الشقة ودكتور معمل التحاليل
وكل من تعاون معاكم في التجربة الحقيرة دي.
غسيل_دماغ
تمت
حماده_هيكل
عدد كبير مش بيتفاعل مع القصص وبيقرأ في صمت وده للأسف بيهدد استمراري في الكتابة لأن تفاعلك ودعمك هو اللي بيخليني أشتغل على نفسي أكتر وأكتب حاجة ترضيك وترضيني..

فمن فضلك تفاعلك بيفرق
أتمني القصة تعجبكم..
حاول تشارك ب
لايك _ كومنت _ شير _منشن
ولو لسه مش متابع الصفحة يشرفني إنك تعمل متابعة
وتقرأ القصص التي فاتت وتستنى القصص الجاية
وجاري اصدار أمر من النيابة بضبط وأحضار
للبروفيسور والست صاحبة الشقة ودكتور معمل التحاليل
وكل من تعاون معاكم في التجربة الحقيرة دي.